ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/1 12:33:00 | By: བྲག་མགོ་ཚེ་དབང་། ]
 

ཆོས་བརྒྱུད་ཆེན་པོ་ལྔ་དང་གཡུང་དྲུང་བོན་གྱི་

ལོ་རྒྱུས་སྙིང་བསྡུས།

 

༡༽ གཡུང་དྲུང་བོན་གྱི་གྲུབ་མཐའ་ནི།  

ཕྱི་ལོའི་(༡༦༠༡༧)ཡར་སྔོན་དུ་བྱུང་བའི་གྲུབ་མཐའ་ཞིག་ཡིན། གཡུང་དྲུང་བོན་གྱི་གྲུབ་མཐའ་འདི་སྲོལ་འབྱེད་པ་པོ་ནི་ཚེ་ལོ་བརྒྱའི་སྟོན་པ་གཤེན་རབ་མི་བོ་ཆེས་དེ་ཉིད་ཡིན། སྟོན་པ་གཤེན་རབ་མི་བོ་འཁྲུངས་ནས་ལོ་(༡༨༠༣༡)ཕྱིན་ཡོད། བོན་གྱི་གྲུབ་མཐའ་འདི་ལ་གྲུབ་མཐའི་རྒྱལ་པོ་ཞེས་བརྗོད་པའི་རྒྱུ་མཚན་ནི། ཞང་བོད་ཡུལ་གྱི་གྲུབ་མཐའ་ཚང་མའི་༼ཆུ་ཕུགས་གངས་ལ་ཐུག ཆོས་ཕུགས་བོན་ལ་ཐུགས། ཅེས་བཤད་པ་ལྟར་ཡིན།༽ཆོས་དང་རིག་གཞུང་གི་འབྱུང་ཁུངས་ཡིན་པའི་ཕྱིར་གྲུབ་མཐའི་རྒྱལ་པོ་ཞེས་དང་། གཞན་ཡང་ཞང་བོད་ཡུལ་དུ་གྲུབ་མཐའ་མང་ཡང་རྒྱུའི་བོན་བཞི་དང་འབྲས་བུའི་བོན་བཞི་དང་། ཁྱད་པར་བླ་མེད་རྫོགས་པ་ཆེན་པོའི་ལྟ་བ་ལས་སོགས་བསྟན་པའི་བོན་དཔེ་དང་། རིག་གཞུང་(ཡི་གེ་དང་རིག་གནས།)སོགས་གང་གི་ཆ་ནས་ཕུན་སུམ་ཚོགས་པའི་ཁྱད་བོན་ལྡན་པས་དེ་ལྟར་ཐོག་པ་ཡིན། གྲུབ་མཐའ་འདི་ལ་ཞྭ་དཀར་གཡུང་དྲུང་བོན་ཡང་ཟེར། དེ་ལྟར་ཐོག་པའི་ཚུལ་ནི་སྔར་བོན་གྱི་གྲུབ་ཆེན་རྣམས་ཀྱི་‘‘དབུ་ཞྭ་དཀར་མོ་རྩེ་རྒྱལ་’’ཞེས་པའི་དབུ་ཞྭ་དེ་མནབས་པས་ཞྭ་དཀར་གཡུང་དྲུང་བོན་ཞེས་མཚན་ཐོག་པ་ཡིན། ལྟ་བ་གཙོ་བོ་ནི་བླ་ན་མེད་པའི་རྫོགས་པ་ཆེན་པོའི་ལྟ་བ་གཞི་ཇི་བཞིན་ཉིད་ཀྱི་སྐྱེ་མཆེད་ཞེས་པའི་ལྟ་བ་དེ་འདོད།།

༢༽ རྙིང་མ་པའི་གྲུབ་མཐའ་ནི།

རྙིང་མ་ནི་བོད་ཀྱི་ཆོས་བརྒྱུད་ཆེན་པོ་ནང་གི་ཆེས་ཐོག་མ་དེ་ཡིན། གྲུབ་མཐའ་དེ་ནི་དུས་རབས་བརྒྱད་པའི་ཕྱི་ལོ་(༧༥༢)ཙམ་ལ་དར་བ་ཞིག་ཡིན། སྲོལ་འབྱེད་པ་པོ་ནི་སློབ་དཔོན་པད་མ་འབྱུང་གནས་ཡིན་པར་གྲགས། སློབ་དཔོན་དེ་ཉིད་དུས་རབས་བརྒྱད་པའི་ནང་དུ་སྐུ་འཁྲུངས་ཤིང་། འདས་ལོ་ནི་ཆོས་འབྱུང་སོགས་ནས་ཁ་གསལ་རྙེད་སོན་མ་བྱུང་། གྲུབ་མཐའ་འདི་ལ་རྙིང་མ་ཞེས་མཚན་ཐོག་ཚུལ་ནི། གནའ་བོའི་བོན་ཆོས་མིང་པོ་བསྡུ་ལེན་བྱས་པས་ཐོག་པ་ཡིན་པར་(ཞིབ་འཇུག་པ། ཧི་ཞའོ་ཀྲུའུ་རྩོམ་ཆོས། ཧི་མ་ལ་ཡ་ཡི་ཚིག་མཛོད་ནས།)གསལ། བོན་གྱི་ལོ་རྒྱུས་སོགས་ནས་སྔ་འགྱུར་གསང་སྔགས་པའམ་རྙིང་མའི་རྫོགས་པ་ཆེན་པོ་ལྟ་བའི་ཁུངས་གཏུག་ས་དེ་བོན་ཆོས་ཡིན་ཟེར་བ་ལྟར་ཐུའུ་བཀན་ཡང་དེ་ལྟར་བཞེད་པར་སྣང་ཡང་རྙིང་མ་རང་གིས་ཁུངས་གཏུགས་ས་བོན་པོ་ཡིན་པར་ཁས་མི་ལེན། རྙིང་མའི་མཁས་པ་རེ་གཉིས་ཀྱིས་ཁས་ལེན་པ་ལ་རྙིང་མའི་ཁས་ལེན་ཞེས་ན་མི་འཐད། ཐོག་ཚུལ་གཞན་ཞིག་ནི་དུས་རབས་བཅུ་གཅིག་ནང་དུ་གཞི་ནས་ཐོག་པ་ཞིག་ཡིན་ཟེར། སྔར་གྱི་ཆོས་དཔེ་མང་པོ་རྒྱལ་པོ་གླང་དར་མའི་སྐབས་སུ་གཏེར་དུ་རྦས་པ་རྣམས་དུས་རབས་བཅུ་གཅིག་པའི་ནང་དུ་ཆོས་དཔེ་རྙིང་པ་རྩ་ཆེན་རྣམས་གཏེར་ནས་དྲུངས་པས་དེ་ལྟར་ཐོག་པའི་ཚུལ་དང་ལོ་ཙ་བ་བཻ་རོ་ཙཱ་ན་དང་ལོ་ཙ་བ་རིན་ཆེན་བཟང་པོ་གཉིས་བྱོན་རྗེས་སུ་གསང་སྔགས་གསར་རྙིང་གཉིས་བྱུང་པ་ལས་སྔར་ཐ་སྙད་དེ་འདྲ་མེད་པར་བཤད  ལ་ལས་གྲུབ་མཐའ་འདི་ལ་ཞྭ་དམར་པ་ཞེས་མཚན་ནས་འབོད་ལ། ཞྭ་དམར་པ་ཞེས་པའི་མཚན་ནི་ཆོས་སྒོ་དེར་ཞུགས་པའི་དགེ་འདུན་རྣམས་ནས་དབུ་ཞྭ་དམར་པོ་མནབས་པས་ཞྭ་དམར་པ་ཐོག་པར་སྙམ། ལྟ་བ་ནི་རྫོགས་ཆེན་གྱི་ལྟ་བ་འདོད།།

༣༽ ས་སྐྱ་པའི་གྲུབ་མཐའ་ནི།

བོད་ཀྱི་ཆོས་བརྒྱུད་ལས་དཔལ་ས་སྐྱ་བའི་ཆོས་ལུགས་ཀྱི་གྲུབ་མཐའ་ནི་ཕྱི་ལོ་དུས་རབས་བཅུ་གཅིག་ནང་ལ་དར་བར་འདོད། གྲུབ་མཐའི་འདི་ནི་འཁོན་དཀོན་མཆོག་རྒྱལ་པོས་སྲོལ་འབྱེད་པ་ཞིག་ཡིན། ཁོང་ནི་དུས་རབས་བཅུ་གཅིག་ནང་དུ་(༡༠༣༤)སྐུ་འཁྲུངས་ནས་རབ་བྱུང་དང་པོའི་ཆུ་གླང་ལོ་ས་སྐྱ་དགོན་པ་ཕྱག་(༡༠༧༣)བཏབ་ཅིང་རབ་བྱུང་གཉིས་པའི་ཆུ་རྟ་ལོར་(༡༡༠༢)སྐུ་གཤེགས། གྲུབ་མཐའ་འདི་ལ་ས་སྐྱ་བ་ཟེར་དོན་ནི་ས་སྐྱ་དགོན་པ་ཕྱག་བཏབ་ཡུལ་དེར་ས་དཀར་ཤས་ཆེས་བར་བརྟེན་ས་སྐྱ་ཞེས་ཡུལ་མིང་ཆོས་ལུགས་ལ་ཐོག་པ་ཡིན།  གྲུབ་མཐའ་འདིའི་ཐུན་མིན་ལྟ་བ་ནི་གསལ་སྟོང་འཛིན་མེད་ཀྱི་ལྟ་བ་ཟེར་བ་དེ་ཡིན།།

༤༽ བཀའ་བརྒྱུད་པའི་གྲུབ་མཐའ་ནི།

བཀའ་བརྒྱུད་པའི་གྲུབ་མཐའ་ནི་ཕྱི་ལོ་དུས་རབས་བཅུ་གཅིག་པའི་ནང་དུ་དར་བ་ཞིག་རེད། གྲུབ་མཐའ་དེ་ནི་མར་མི་དྭགས་གསུམ་གྱིས་སྲོལ་འབྱེད་པ་ཞིག་ཏུ་གྲགས། མར་མི་དག་གསུམ་ནི་མར་པ་ལོ་ཙཱ་བ། མི་ལ་རས་པ། དྭགས་པོ་བསོད་ནམས་རྒྱལ་མཚན་བཅས་རེད། བཀའ་བརྒྱུད་པ་ཞེས་མཚན་ཐོག་ཚུལ་ནི་གྲུབ་ཆེན་ཏེ་ལོ་པ་ནས་བཀའ་བབས་ཀྱི་གདམས་ངག་བཞི་(ཕ་རྒྱུད་གསང་བ་འདུས་པའི་བཀའ་བབས། མ་རྒྱུད་འཁོར་ལོ་བདེ་མཆོག་གི་བཀའ་བབས། རྨི་ལམ་དང་པོ་བར་དོའི་གདམས་ངག་གི་བཀའ་བབས། འཕོ་བ་དང་གྲོང་འཇུག་གི་བཀའ་བབས་དང་བཞི་ཡིན)བརྒྱུད་འཛིན་མཛད་པས་བཀའ་བརྒྱུད་པ་ཞེས་ཐོག།  བཀའ་བརྒྱུད་པའི་གྲུབ་མཐའ་ལ་སྡེ་གཉིས་ཡོད། གཅིག་ནི་བོན་གྱི་གྲུབ་ཆེན་ཁྱུང་པོ་རྣལ་འབྱོར་གྱིས་གཙང་པའི་ཡུལ་དུ་དགོན་པ་བཏབ་ནས་ཤངས་པ་བཀའ་བརྒྱུད་བྱུང་། གཞན་ཡང་ཁྱུང་པོ་རྣལ་འབྱོར་བས་དགོན་པ་བརྒྱ་དང་བརྒྱད་བཏབ་ཅེས་(མཁས་དབང་དུང་དཀར་འཕྲིན་ལས་ཀྱི་གསུང་འབུམ། གྲུབ་མཐའི་སྐོར་གྱི་རྣམ་བཤད།)ལས་གསལ། དྭགས་པོ་བཀའ་བརྒྱུད་ནི་དྭགས་པོ་ལྷ་རྗེ་དང་། རས་བྱུང་རྡོ་རྗེ་གྲགས་པ་ཞེས་པའི་བླ་མ་དེ་གཉིས་ལས་བརྒྱུད་པ་ཡིན། དྭགས་པོ་བཀའ་བརྒྱུད་ལ་བཀའ་བརྒྱུད་ཆེ་བཞི་དང་ཆུང་བརྒྱད་ཡོད། ལྟ་བ་ནི་སྟོང་པ་ཉིད་ཀྱི་ལྟ་བ་ཕྱག་བརྒྱ་ཆེན་པོ་ཟེར་བ་དེ་ཡིན།།

༥༽ ཇོ་ནང་པའི་གྲུབ་མཐའ་ནི།

ཇོ་ནང་པའི་གྲུབ་མཐའ་ནི་དུས་རབས་བཅུ་གསུམ་ནང་དུ་དར་བ་ཞིག་རེད། ཇོ་ནང་གི་བསྟན་པའི་སྲོལ་འབྱེད་ནི་ཀུན་སྤངས་ཐུགས་རྗེ་བརྩོན་འགྲུས་དང་དོལ་པོ་ཤེས་རབ་རྒྱལ་མཚན་རྣམ་གཉིས་ཡིན། ཀུན་སྤངས་ཐུགས་རྗེ་བརྩོན་འགྲུས་ནི་ཕྱི་ལོ་དུས་རབས་བཅུ་གསུམ་ནང་(༡༢༤༣)དུ་སྐུ་འཁྲུངས། དུས་རབས་བཅུ་བཞི་(༡༣༢༤)ནང་དུ་དགོངས་པ་རྫོགས། གྲུབ་མཐའ་འདི་ལ་ཇོ་ནང་ཞེས་མཚན་ཐོག་ཚུལ་ནི་ཇོ་མོ་ནང་ཞེས་པའི་ས་མིང་དེ་དགོན་པར་ཐོག་དགོན་པའི་མཚན་ཆོས་ལུགས་ལ་ཐོག་པ་ཞིག་ཡིན་སྙམ། གྲུབ་མཐའ་འདིའི་ལྟ་བ་མཐར་ཐུག་ནི་གཞན་སྟོང་ཟེར་བའི་ལྟ་བ་དེ་ཡིན་པར་འདོད། གཞན་སྟོང་ནི་ཆོས་ཐམས་ཅད་ཀྱི་གནས་ལུགས་དོན་དམ་ཡིན་པ་དེ་ཉིད་རྟག་པ་ཡིན་པ་དང་དངོས་པོ་མིན་ཡང་དངོས་པོར་ཁྱབ་པའི་གནས་ལུགས་ཡོན་ཏན་ཀུན་ཚང་བ་ཞིག་ཡིནཔར་བཞེད།།

༦༽ དགེ་ལུགས་པའི་གྲུབ་མཐའ་ནི།

དགེ་ལུགས་པའང་རི་བོ་དགའ་ལྡན་པའི་གྲུབ་མཐའ་ནི་ཕྱི་ལོ་(༡༤༠༩)ལ་གསར་གཏོད་བྱས་པ་ཞིག་ཡིན། གྲུབ་མཐའ་འདི་ནི་རྗེ་ཙོང་ཁ་པས་སྲོལ་འབྱེད་པ་ཡིན། རྗེ་ཙོང་ཁ་པ་ནི་རབ་བྱུང་དྲུག་པའི་མེ་བྱི་ལོར་(༡༣༥༧)ཙོང་ཁའི་ཡུལ་དུ་འཁྲུངས་ཕྱི་ལོར་(༡༤༡༩)སྐུ་ཞི་བར་གཤེགས་པ་རེད། དགེ་ལུགས་ཞེས་མཚན་ཐོག་ཚུལ་ནི་དགའ་ལྡན་པའི་མཚན་འགྱུར་བ་ཙམ་ལས་དོན་དུ་དགའ་ལྡན་པ་དང་གོ་བ་གཅིག་ལས་ལོགས་སུ་མེད། ཞྭ་སེར་པ་ཟེར་དོན་ནི་རྗེ་ཙོང་ཁ་པའི་སློབ་བུ་དགེ་ལེགས་དཔལ་བཟང་གི་རེ་འདོད་དང་བསྟུན་ཞྭ་སེར་པོ་གྱོན་པས་ཞྭ་སེར་པ་ཞེས་ཐོག་ཚུལ་ཡོད་ཀྱང་། བོན་ཕྱོགས་ནས་བཤད་སྲོལ་ཞིག་ནི་སྔར་བསྟན་པ་ཕྱི་དར་སྐབས་སུ་བླ་མ་མི་བརྗེད་པའི་རྟགས་སུ་ཕྱུང་ཞྭ་དཀར་པོ་ལ་ས་སེར་པོ་བྱུགས་པས་དེ་ལྟར་རྒྱུན་འཇགས་སུ་སོང་བར་གྲགས། གཞན་ཡང་ཆོས་འབྱུང་འགའ་ཞིག་ནས་((བོན་གྱི་ཞྭ་མོ་སྔོན་པོ་ཞིག་ཡོད་པ་དེ་ཕྱི་ནང་སློག་ནས་ཕྱི་དཀར་པོ་དེར་ཚོས་སེར་པོ་བྱུགས་ཏེ་ཁྱོད་ཚོ་ཞྭ་མོ་འདི་གྱོན་ནས་བོད་ལ་ཕྱིན་ཏེ་སངས་རྒྱས་ཆོས་ལུགས་དེར་སྤེལ་གཏོང་དགོས་ཤེས་བསླབ་བྱ་གནང་བས་དེ་ནས་བཟུང་སངས་རྒྱས་ཆོས་ལུགས་སྔར་བས་དར་འཕེལ་ཡོང་བའི་རྟེན་འབྲེལ་མཚོན་བྱེད་དུ་དབུས་གཙང་གི་མཁས་པ་མི་བཅུ་ཚང་མས་དབུ་ཞྭ་སེར་པོ་བཞེས་པ་མ་ཟད། རྗེས་སུ་ཙོང་ཁ་པས་ཀྱང་དབུ་ཞྭ་སེར་པོ་བཞེས་པའི་རྒྱུ་མཚན་དེ་འདྲ་ཡིན།))ཞེས་པས་ཞྭ་སེར་མནབས་པ་ཆེས་དར་ཁྱབ་ཕྱིན་པས་ཐོག་པར་དོན་དང་མཐུན་པར་སྙམ། གྲུབ་མཐའ་འདིའི་ལྟ་བ་ནི་དབུ་མ་པའི་ལྟ་བར་འདོད།།   །།

 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/11/12 0:34:38 | By: སྐུ་མགྲོན་t85Br1(སྐུ་མགྲོན) ]
 
སྐུ་མགྲོན་t85Br1(སྐུ་མགྲོན)


ཧ་ཅང་ཡག་པོ་འདུག ཐུགས་རྗེ་ཆེ།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/11/11 21:43:51 | By: སྐུ་མགྲོན་t85Br1(སྐུ་མགྲོན) ]
 
སྐུ་མགྲོན་t85Br1(སྐུ་མགྲོན)


བསམ་ཚུལ་ཞིག་འདུག ཇོ་ནང་བས་མི་འདོད་པ་ཞིག་འདོད་ཀི་རེད། ཟེར་བ་དེ་དཔེར་ན་མགོན་པོ་་ཁྱེད་ཀྱིས་ཁྱི་སྐྱག་མི་ཟ་མོད། འོན་ཀྱང་མི་གཞན་པའི་ངོར་མགོན་པོ་ཁོང་གིས་ཁྱི་སྐྱག་ཟ་གི་རེད། ཅེས་བརྗོད་པ་ལྟ་བུ་རེད། དེས་ན་ཇོ་ནང་འདོད་པ་བརྗོད་ཚེ་ཡང་ན་ཇོ་ནང་བའི་གསུངས་དྲོངས། ཡང་ན་དགོངས་པ་ཚུལ་བཞིན་དུ་བཀྲོལ་དགོས་པ་ལས་གང་བྱུང་དུ་འགྲེལ་བ་དེ་སྒྲོ་འདོགས་ཞིག་ཡིན་པ་ལས་ཆོས་བརྒྱུད་དེའི་ཚབ་བྱེད་མི་ནུས་ཀི
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/11/11 21:34:53 | By: སྐུ་མགྲོན་t85Br1(སྐུ་མགྲོན) ]
 
སྐུ་མགྲོན་t85Br1(སྐུ་མགྲོན)བཀྲ་ཤིས་བདེ་ལེགས། ཇོ་ནང་བ་ཡིན།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/11/11 20:06:33 | By: སྐུ་མགྲོན་0FVi0M(སྐུ་མགྲོན) ]
 
སྐུ་མགྲོན་0FVi0M(སྐུ་མགྲོན)རཧབམ
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/11 19:00:53 | By: སྐུ་མགྲོན་N6It48(སྐུ་མགྲོན) ]
 
སྐུ་མགྲོན་N6It48(སྐུ་མགྲོན)ཧང་སང་དགོས་པའི་གནད་དོན་སུ་ལ་ཡོད་ཀྱང་བཅོས་དགོས་ངེས་མ་གཏོགས་ཅི་ཡང་མེད། སྐྱོན་དེ་རང་ནས་འགོ་བཙུགས་ཏེ་དོར་དགོས་པ་ནི་ཐུགས་མད། མ་འོངས་ཚང་མས་ཤུགས་རེ་ཡོད་ན་རྒྱབ་ཏེ་གྲུབ་མཐའ་ཕན་ཚུན་གུ་ཡངས་དང་རང་བསྟན་རང་གིས་འཛིན་རྒྱུ་གལ་ཆེན་ཡིན། དེང་ཆར་ཡང་བན་བོན་གཉིས་ཀར་ཕྱོགས་ཞེན་ཆེ་ཙམ་ཡོད་འདུག་པའི་ལྟ་བ་པས་བྲིས།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/9 23:33:05 | By: སྐུ་མགྲོན་Nsj7MY(སྐུ་མགྲོན) ]
 
སྐུ་མགྲོན་Nsj7MY(སྐུ་མགྲོན)ངོ་མ་དེ་བཞིན་རེད། དགེ་བཤེས་དང་མཁན་པོ། བླ་མ་དང་སྤྲུལ་སྐུ་གང་མང་ཞིག་ད་དུང་གུ་དོག་པའི་བསམ་བློ་དེས་བཅིང་བ་ལས་མ་ཐར་པ་བདེན། དེ་ལ་ཧང་སང་དགོས་དོན་གང་ཡང་མེད། ཧང་སང་དགོས་ཡ་ནི་རང་གིས་གཞན་ལ་དེ་ལྟར་ཟེར་ཟས་ཚུལ་ཏུ་བཤད་ནས་བཟུང་། རང་ཉིད་ཀྱང་གུ་དོག་གིས་བཅིང་བ་དེ་ལས་མ་ཐར་པ་མཚོན་ནུས་མིན་དཔྱད་དགོས།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/9 14:37:09 | By: སྐུ་མགྲོན་LPGs38(སྐུ་མགྲོན) ]
 
སྐུ་མགྲོན་LPGs38(སྐུ་མགྲོན)ངོ་མ་ད་འདི་འདྲ་ཡིན་དུས་རང་ཡང་སྤོབས་པ་དབུས་ཀྱི་རི་བོ་མཆོག་རབ་ཙམ་ཞིག་སྐྱེས་བྱུང་། འོན་ཏེ་མུ་སྟེགས་བདག་འཛིན་གྲུབ་མཐའི་ཕྱོགས་འཛིན་གཉིས། །བཅིང་ལ་ཁྱད་མེད་གསེར་སྒྲོག་ལྕགས་སྒྲོག་བཞིན། །ཞེས་པའི་སྡོམ་ཚིག་དེའི་འོག་ནས་ཐར་དཀའ་མོ་རེད། ཨ་ཁ་ཁ། རིགས་དང་ལ་རྒྱ་གཅིག་པའི་བོད་མི་འདི་དག་སྔ་མོ་ཞིག་ནས་བན་བོན་སོགས་ཆོས་ལུགས་ཀྱི་ཕྱོགས་འཛིན་འདིས་སྡུག་པོ་བཏང་བ་དེ་ད་དུང་ཡང་བསམ་བློ་བཅིང་གྲོལ་མ་བྱུང་བ་ནི་ངོ་མ་རྗེས་ལུས་ནང་གི་རྗེས་ལུས་ཡིན་པ་ར་སྤྲོད་ཅིག་བྱས་སོང་། ཡ་ད་མི་ཟེར་ཅི་ཕན། ཀླད་པ་ཡོངས་རྫོགས་ལྗང་ཁུ་ཆགས་ཚར་དུས། ཀྱེ་མ་མ།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/8 21:59:09 | By: སྐུ་མགྲོན་1iy4CP(སྐུ་མགྲོན) ]
 
སྐུ་མགྲོན་1iy4CP(སྐུ་མགྲོན)ཙི་ཙི་གླང་ཆེན་དང་ཁྱད་མེད་ཟེར་བ་དང་གཅིག་མཚུངས་མ་རེད་པས།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/6 20:52:08 | By: སྐུ་མགྲོན་02VIy4(སྐུ་མགྲོན) ]
 
སྐུ་མགྲོན་02VIy4(སྐུ་མགྲོན)འཇུ་མི་ཕམ་པས། དགེ་ལྡན་ལྟ་བ་མེད་དགག་ཟེར།། ཞེས་དང་། ཚད་མ་ལས། སྤྱི་འཆར་དེ་མིན་སྤྱི་འཆར་ལ།། ལྟོས་དང་མི་ལྟོས་དགག་སྒྲུབ་ཡིན། །ཞེས་གསུངས་པ་ལྟར་དང་། ཐེག་རིམ་ལས། ཐེག་པ་འོག་མ་རྩོལ་བའི་ནད་ཀྱིས་ཟིན། །འདི་དག་རྩོལ་བྲལ་ཐེག་པའི་ཡང་རྩེ་ཡིན། །ཞེས་དང་། ཤར་རྫ་རིན་པོ་ཆེས། འདི་ལྟར་རྫོགས་པ་ཆེན་པོའི་ཁྱད་བོན་ནི། །སེམས་ལས་འདས་པའི་རིག་པ་ལམ་བྱེད་ཅིང་། །ཞེས་གསུངས་པས་དེ་གཉིས་འདྲ་བའི་ཕྱོགས་དང་མི་འདྲ་བའི་ཕྱོགས་གཉིས་གང་མང་བ་གཟིགས་དང་།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/6 8:50:25 | By: སྐུ་མགྲོན་MQHt3W(སྐུ་མགྲོན) ]
 
སྐུ་མགྲོན་MQHt3W(སྐུ་མགྲོན)གྲུབ་མཐའ་ཀུན་ལ་མ་རྨོངས་པར་ར་འཕྲོད་བྱུང་ཡི་རངས་ཞུ། རེ་འགས་དགའ་ལྡན་པའི་ལྟ་བ་དེ་རྫོགས་ཆེན་ལྟ་བ་དང་ཁྱད་མེད་ཅེས་གོ་མྱོང་བས་དགོངས་ཚུལ་ག་འདྲ་ཡོད་དམ།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/5 22:14:47 | By: Heapa(སྐུ་མགྲོན) ]
 
Heapa(སྐུ་མགྲོན)གནད་བསྡུས་ཤིག་བྲིས་གནང་བར་ཡི་རངས་ཞུ། ཕན་པོ་བྱུང་།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/5 18:15:56 | By: སྐུ་མགྲོན་L5GSj8(སྐུ་མགྲོན) ]
 
སྐུ་མགྲོན་L5GSj8(སྐུ་མགྲོན)དགའ་པོ་ཡོད། དགའ་པོ་ཡོད། དགའ་ཐག་ཆོད་ནས་གནམ་དུ་འཕུར་གྲབས་ཡོད། འཕུར་གྲབས་ཡོད།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/4 17:26:54 | By: སྐུ་མགྲོན་qVMx50(སྐུ་མགྲོན) ]
 
སྐུ་མགྲོན་qVMx50(སྐུ་མགྲོན)ངས་འདི་ནས་རྒྱུན་ལྡན་ཧི་ཟིན་དཔྱད་མཆན་ལྟར་འགའ་ཞིག་བཏགས། རྩོམ་ལེགས་པོ་འདུག བཀླགས་ཟིན། ཐུགས་རྗེ་ཆེ། ཕ་བཟང་བུ་ཞིག་ཚར་གདའ། བོན་པོ་ཚང་ཤུགས་རྒྱོབ། ད་ངོ་མ་ང་ཚོའི་བསྟན་པ་དར་ས་རེད་ད། རྒན་ལགས་ཀྱིས་རྩོམ་བཟང་པོ་ཞིག་སྤེལ་བར་ལ་རྒྱ་གཅིག་པའི་དབང་གིས་ཡི་རངས་བརྒྱ་ཆ་བརྒྱ་ཐམ་པ་ཡོད། རྒྱལ་བ་སྨན་རི་བའི་དགེ་བཤེས་མཆོག་ངོ་མ་འདི་འདྲ་མིན་ན་ཆི་འདྲ་ཡིན། ཀུ་རེ་བྱས། དགོངས་དག ཧ་ཧ་ཧ་ཧ་ཧ་་་་་་་་་་་་
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/4 13:13:22 | By: སྐུ་མགྲོན་Kpg6Jv(སྐུ་མགྲོན) ]
 
སྐུ་མགྲོན་Kpg6Jv(སྐུ་མགྲོན)དགའ་པོ་ཡོད།
 
 
Re:བོད་དུ་དར་བའི་གྲུབ་མཐའ་འགའི་བྱུང་རབས།
[ 2014/3/2 19:03:03 | By: སྐུ་མགྲོན་uyp0Sf(སྐུ་མགྲོན) ]
 
སྐུ་མགྲོན་uyp0Sf(སྐུ་མགྲོན)བོན་ལ་ཐེག་པ་རིམ་དགུ་བཞེད་པ་ཡོད་ཀྱང་ལྟ་བའི་སྐྱེལ་སོ་བླ་མེད་རྫོགས་པ་ཆེན་པོ་ལ་ཕུགས་བཅོལ་བ་ནི་གསར་དུ་རྙེད་པ་ཞིག་མ་ཡིན། འོན་ཏེ་གྲུབ་མཐའ་དེའི་སྤྱི་མིང་དུ་དེ་འདྲའི་ཐ་སྙད་ཡེ་མི་སྦྱོར་བར་མདོ་སྔགས་གཉིས་འདྲ་མཉམ་གྱིས༼མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན༽ཞེས་ཡོངས་སུ་གྲགས་འདུག་པ་དེའི་དགོངས་གཞི་ངོ་མ་གང་ཡིན་རྒན་ལགས་ནས་ལྟ་ཚུལ་གང་ཡོད། གཞན་རྫོགས་ཆེན་གཙོར་འདོན་གྱི་རྙིང་མ་བས་རྣམ་གྲོལ་གླིང་དང་། གསང་ཆེན། འོད་གསལ་སོགས་ཀྱིས་མཚོན་པའི་རྫོགས་ཆེན་གྱི་ཐ་སྙད་སྦྱོར་བ་ལྟར་བྱས་ན་ལེགས་པ་མིན་འགྲོ། ཡང་སྙིང༼མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན༽ཞེས་པའི་མིང་དེ་དུས་ནམ་ཞིག་ཏུ་གང་ཟག་སུས་བཏགས་མཛད་པ་ཡིན།
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.